Bosquegrafíes, II alcuentru d'arte y naturaleza
Dibuxar, escribir, amasar una viesca. Recibir los estímulos sensoriales de la naturaleza y componer una visión nueva del orixe de nueso. Entrega nos al xuegu creativo pa, a la fin, tornar a la fonte de tou arte, que puede ser árbol, raigañu o solombra nel agua.

Bosquegrafíes agospia esta diversidá de rellatos creativos. Un claru na viesca nel que les artes diverses reescriben esi espaciu verde, salvaxe y revelador al que pertenecemos.

Nel tiempu de trés xornaes, el conceyu de Ponga abre un espaciu pal encuentru ente artistes, públicu y naturaleza nel que vamos conocer y esperimentar les «grafíes» múltiples que se nutren de la viesca y la interpreten. Alderiques, talleres, llectures y esperiencies inmersives que nos van convidar a un llargu viaxe de regresu a casa

PROGRAMA

vienres, 7 d'ochobre

LA CASONA DE MESTAS (PONGA, ASTURIES)

18:30h Inauguración oficial de Bosquegrafíes

19:00h CINE

Sonia Fernández

La cineasta y profesora de arte Sonia Fernández rellátanos la so esperiencia como testiga del tránsitu de la infancia a l’adolescencia nel rural asturianu. Vamos falar cola directora y van proxectase los sos cortometraxes.

Entrada llibre

sábadu, 8 d'ochobre

LA CASONA DE MESTAS (PONGA, ASTURIES)

11:00h LLITERATURA

Clara Obligado en diálogu con Raúl Vacas

Clara Obligado, escritora y pionera na realización de talleres lliterarios va dialogar col poeta Raúl Vacas sobre la so última obra, l’ensayu «Todo lo que crece», un testu deliciosu que s’articula a manera de biografía estrechamente xunida a la naturaleza. Coles mesmes, van realizar propuestes d’escritura al públicu asistente.

ENTRADA LLIBRE12:30 GASTROBOTÁNICA

Amanda Bataller

Amanda Bataller ye cocinera vexetariana y artista. Nesta edición de Bosquegrafíes vamos facer una ruta de etnobotánica que va rematar n’una degustación de bocaos d’alta cocina ellaboraos con plantes monteses. Una esperiencia de gastrobotánica.

Esta actividá tien aforu llimitáu
ACUTA EQUÍ LA TO ENTRADA GRATUITA

17:30h DIÁLOGOS COLA NATURALEZA

María José Parejo, Ignacio Abella, Raúl Alcanduerca + Invitados

Tres de les voces que dan vida al célebre programa de Radiu 3 El bosque habitado axúntanse en Ponga para cavilgar sobre arte, naturaleza y la nuesa manera d’habitar esi espaciu. Van recibir diversos invitaos/es.

ENTRADA LLIBRE

20:00h MÚSICA

L-R

L-R son les sigles so les que podemos atopar a Leticia Baselgas y a Rubén Bada, dúo asturianu que practica lo qu’ellos mesmos definen como post-folk asturianu. Y ye que combinar los ritmos y les estructures del baile tradicional asturianu con soníos fronterizos cercanos al blues o rock ye la so seña d’identidá.

ENTRADA LLIBRE

Domingu, 9 d'ochobre

LA CASONA DE MESTAS (PONGA, ASTURIES)

9:30h BAÑU DE BOSQUE

Alicia Andrés

El bañu de bosque o shinrin yoku propón una esperiencia inmersiva na naturaleza

Por más de dos hores vamos percorrer una pequeña distancia a lo llargo de la cual la guía va facer diverses invitaciones a un pequeñu grupu d’asistentes, enfocaes al espertar de los sentíos. Tratar de ver, oyer, apalpar el monte, como si fuera la primer vegada.

Esta actividá tien aforu llimitáu
ACUTA EQUÍ LA TO ENTRADA GRATUITA

10:30h ILLUSTRACIÓN

Ester García

De la mano de la illustradora Ester García, vamos facer el taller “Cuaderno de campo” nel que vamos tratar de reflexar el llatíu d’esa naturaleza que nos arrodia. Esta artista foi creando un imaxinariu propiu. Les sos alcordances arrodiada de cuentos ilustraos y naturaleza tan reflexaos nes sos cuidaes illustraciones. Una ocasión para aprender distintes técniques pictóriques.

Esta actividá tien aforu llimitáu
ACUTA EQUÍ LA TO ENTRADA GRATUITA

13:00h NATURALISMU POÉTICU

Joaquín Araújo

¿Por qué nos emboscamos? So esti títulu el escritor y naturalista Joaquín Araújo va cavilgar sobre la conexión del ser humanu cola naturaleza, cómo esta forma parte de la so esencia más íntima, qué espacios de salú, guapura y revelación ufiértanos la viesca.

ENTRADA LLIBRE

Edición Anterior

Asómate a la nuesa primer edición de Bosquegrafíes (ochobre de 2021), un alcuentru qu’axuntó en Ponga a más d’una decena d’artistes que qu’amosaron la so obra na naturaleza.

Participantes

Dossier Bosquegrafíes

Dossier

Descarga en PDF la programación de Bosquegrafíes 2022

¿Quiés más información?

Contáctanos pa saber más de Bosquegrafíes

3 + 8 =

Gobiernu d'Asturies
Logo Artesavia
La CAsona de Mestas

ALLUGAMIENTU

La Casona de Mestas