Bosquegrafíes 2024. IV Alcuentru d'arte y naturaleza

Dibuxar, escribir, amasar una viesca. Recibir los estímulos sensoriales de la naturaleza y componer una visión nueva del orixe de nueso. Entreganos al xuegu creativo pa, a la fin, tornar a la fonte de tou arte, que puede ser árbol, raiga ñu o solombra nel agua.

Bosquegrafíes agospia esta diversidá de rellatos creativos. Un claru na viesca nel que les artes diverses reescriben esi espaciu verde, salvaxe y revelador al que pertenecemos.

Nel tiempu de trés xornaes, Caliao (Casu) abre un espaciu pal encuentru ente artistes, públicu y naturaleza nel que vamos conocer y esperimentar les «grafíes» múltiples que se nutren de la viesca y la interpreten. Alderiques, talleres, llectures y esperienciesinmersives que nos van convidar a un llargu viaxe de regresu a casa.

PROGRAMA

6 de ochobre 6 de octubre

PARADOR DE TURISMU DE CANGUES D’ONÍS

(VILLANUEVA, CANGUES D’ONÍS) ASTURIES

18:30h Inauguración oficial de Bosquegrafíes

19:00h NATURALISMU POÉTICU

Ignacio Abella

Ignacio Abella ye un reconocíu escritor asitiáu n’Asturies, apurríu al estudiu y vivencia de la naturaleza y al mundu rural nel que se topa dafechu integráu.

Allega per segundu añu a Bosquegrafíes, esta vegada na so sesión inaugural, para falanos de naturaleza, mitos y tradiciones. Del monte que vive en cada ser humanu.

Entrada llibre hasta completar l’aforu

7 d'ochobre, 7 de octubre

PARADOR DE TURISMU DE CANGUES D’ONÍS

(VILLANUEVA, CANGUES D’ONÍS) ASTURIES

10:00h ILUSTRACIÓN BOTÁNICA

Esther Muntañola

La poeta y artista plástica asturiana Esther Muntañola va ufiertar nesta xornada un taller d’ilustración botánica. Los/les asistentes van facer un cuadiernu de campu, esperimentando con técniques como l’acuarela, la tinta, etc.

Una esperiencia de contemplación y espresión de la naturaleza pa la que nun van ser necesarios conocimientos previos.

Actividá con places llimitaes
ACUTA EQUÍ LA TO ENTRADA GRATUITA

12:30 FILOSOFÍA Y NATURALEZA

Santiago Beruete

L’autor d’obres de gran espardimientu como «Jardinosofía» o «Verdolatría» llega a Bosquegrafíes pa falanos  d’utopía, filosofía y naturaleza, el mundu del xardín y la metáfora que supon na nuesa cultura, los venceyos ente’l pensamientu astractu y el monte, el nuesu verdaderu llar.

ENTRADA LLIBRE HASTA COMPLETAR L’AFORU

18:30h LLITERATURA

Olga Novo

La poeta galardonada col Premiu Nacional de Poesía 2020 pola so obra «Feliz Idade» va compartir versos y charra colos/les asistentes. La so obra, dafechu enraízada no rural, mediu nel qu’habita y desenvuelve la so poesía, venceya lo pequeñu colo universal y tien un potente valor escénicu. Escuchar a Olga Novo siempre supon un tresformamientu.

ENTRADA LLIBRE HASTA COMPLETAR L’AFORU

AULA DEL REINO DE ASTURIAS (CANGUES D’ONÍS)

20:30h MÚSICA

Abraham Cupeiro

“Resonando en el pasado” ye una colección de instrumentos musicales que Abraham

Cupeiro amuesa al traviés d’un conciertu -monólogu nel que viaxa al pasáu más remotu de la nuesa especie al traviés de los sos soníos.

Esti proyectu surde del interés de Abraham Cupeiro por conocer y recuperar instrumentos de toles époques y llugares.

ENTRADA LLIBRE HASTA COMPLETAR L’AFORU

Domingu, 9 d'oochobre / 9 de octubre

PARADOR DE TURISMU DE CANGUES D’ONÍS

(VILLANUEVA, CANGUES D’ONÍS) ASTURIES

10:00h GASTROBOTÁNICA

Amanda Bataller y Cristina Escobar

Amanda Bataller ye cocinera vexetariana y artista. Dedícase a la divulgación y realización

de talleres de cocina d’aprovechamientu, conserves, fermentadura vexetal y cocina con plantes monteses. Nesta edición vamos facer una ruta de etnobotánica que va rematar n’una degustación de pequeños platos d’alta cocina ellaboraos con plantes monteses.

A Bosquegrafíes torna con Cristina Escobar pa facer una esperiencia qu’en 2022 tuvo un gran ésitu.

Actividá con places llimitaes
ACUTA EQUÍ LA TO ENTRADA GRATUITA

Edición Anterior

Asómate a la nuesa segunda edición de Bosquegrafíes (ochobre de 2022), un alcuentru qu’axuntó a más d’una decena d’artistes que qu’amosaron la so obra na naturaleza.

Participantes

Dossier Bosquegrafíes

Dossier

Descarga en PDF la programación de Bosquegrafíes 2023

¿Quiés más información?

Contáctanos pa saber más de Bosquegrafíes

15 + 4 =

Conseyería de Cultura, Política Llingüistica y Turismu
Logo Artesavia
Casa Cultura Cangues d'Onís
Ayuntamientu de Cangues d'Onís

ALLUGAMIENTU

PARADOR DE TURISMU DE CANGUES D’ONÍS

Aula del Reino de Asturias